fbpx
January 18, 2022

Mientras lama ta contamina ta busca pa drecha molester di holo stinki na RWZI

Share on facebook
Share on Facebook
Share on whatsapp
Share on Whatsapp
0
0
Mientras lama ta contamina ta busca pa drecha molester di holo stinki na RWZI
Mientras lama ta contamina ta busca pa drecha molester di holo stinki na RWZI


Recientemente por a tuma nota di varios publicacion como tambe ponencia di varios politico encuanto contaminacion di nos lamanan y algun otro topico relaciona cu medioambiente, manera e situacion na parkietenbos como tambe na bubali plas, entre otro. Riba esakinan, minister Ursell Arends a publica un comunicado den cual e ta splica un cu e otro como minister di naturalesa.

Lider di fraccion Accion 21, Miguel Mansur a bisa cu riba esaki el a haci algun pregunta tocante e situacion na parkietenbos dirigi na e minister concerni, riba cual el a ricibi un contesta “masha fresco, masha arogante”, segun Mansur. El a bisa cu e ta lamenta cu un minister ta contesta un miembro di parlamento cu e “mester sa cu parkietenbos ta cay bou di dje” y cu esaki ta trece mas pregunta ainda pa dilanti.

E ultimo aki ta referi na cu prome minister a splica anteriormente cu Parkietenbos ta cay bou di infrastructura, cual ta e mandatario su propio cartera, y cu e lo traha cu e minister di naturalesa. Pues asina Mansur ta cuestiona con minister Arends mes no sa ta kico ta cay den su cartera. Fuera di esaki, a adresa e cuestion di e rapport di CARMABI, di cual segun e parlamentario, e ta compronde cu nan kier bin cu un solucion, pero cu esaki no ta adecua. Segun tin entendi, ta pidiendo 60 miyon pa esaki, pero ni na 2020 ni na 2021 e no a haya ningun atencion den presupuesto. 

Segun e parlamentario a splica, aworaki ta purbando di bin cu un “pleister” cu enberdad no ta bay resolve e problema en cuestion, esta e contaminacion di nos lamanan, pero ta apenas mitiga e holo y crea un barera di concreet pa si algo pasa, esaki no sigui contamina nos awanan. Pero, esaki no ta suficiente segun Mansur ya cu esaki ta perhudica nos industria turistico como tambe e bienester general di nos pueblo.

Pa un relato mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.