fbpx
January 18, 2022

Santos do Nascimento (AVP): Pocopoco comunidad ta papia di e peliger di awa contamina

Share on facebook
Share on Facebook
Share on whatsapp
Share on Whatsapp
0
0
Santos do Nascimento (AVP): Pocopoco comunidad ta papia di e peliger di awa contamina
Santos do Nascimento (AVP): Pocopoco comunidad ta papia di e peliger di awa contamina


A sali varios preocupacion cu tin ainda pa loke ta e rapport di Carmabi. Esaki sigur a hala atencion di parlamentario di fraccion di AVP, Ryçond Santos do Nascimento, ya cu kisas no ta dunando e atencion debido na pregunta cu a haci.

Segun e parlamentario, e problema di awa di riool, con ta trata esaki, etc., ta hende di Raiz mes a acerca Santos do Nascimento p’e haci esaki un issue.

Despues e parlamentario a haya fo’i diferente caminda e draft di e Carmabi Rapport y a skirbi varios articulo riba dje. Ta bon mes, despues cu a publica dialuna cu a pasa e draft, por a mira cu Carmabi mes a publica e rapport final diaranson.

E ta importante pasobra por mira den comunidad, pocopoco ta cuminsa papia di e peliger di e awa contamina. Santos do Nascimento a comenta di ta contento cu su coleganan Marisol Lopez-Tromp di MAS y Miguel Mansur di Accion 21 a pidi un reunion publico pa papia di Carmabi. E ora segun Santos do Nascimento a bira momento pa cuminsa drenta den e documento mes pa mira algun cos cu ta eyden cu ta hopi preocupante.

Loke por a mira cu si ta bay compara e contaminacion di awa di Aruba cu contaminacion di awa na Florida, Merca, si na Merca tin e mesun estilo di contaminacion, gobierno ta percura pa avisa cu e awa ta peligroso y pa no landa aden.

Segun calculo, si tin e tipo di contaminacion aki, ta haya mas di 32 hende pa cada mil persona cu ta bira malo di e tipo di contaminacion aki, nificando cu ora tin 1 miyon di bishitante pa aña na Aruba, lubidando COVID, den un situacion normal, ta 30 mil turista ta birando malo y nan no sa di kico. No sa e gravedad. Pero si sa cu hopi ta keha di e Aruba-Rash. Pero tin otro malesa mas pio cu esey. Pero no tin ningun cifra, segun e parlamentario.

Gobierno mester duna claridad, cu si haci un estudio kico ta e impacto riba salud di hende encuanto e awa contamina aki. Loke gobierno tin cu haci tambe ta duna claridad si e haci un estudio.

LoaderLoading…

EAD LogoTaking too long?

Reload Reload document

|

Open Open in new tab

Download [133.68 KB]

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.