fbpx
January 18, 2022

Corda kico Hesus a bisa

Share on facebook
Share on Facebook
Share on whatsapp
Share on Whatsapp
0
0
Corda kico Hesus a bisa
Corda kico Hesus a bisa


Tin hopi sufrimento den pueblo, malesa, problema familiar, violencia domestico,problema mental, falta di pordon, iresponsabilidad , idolatria, droga, alcohol,enfermedad, vicio, corupcion, y maldad den tur forma.
E enemigo ta purba di tur forma di trece miedo, desconfiansa, friamento spiritual, abandono di hogar, division familiar, debilita matrimonio, y laga nos no lubida cu e arma principal di e enemigo ta “Mentira”.
Pero Dios a primimti cu E lo no laga su pueblo bandona, ni berguensa ,tampoco desampara.

Den Mateo capitulo 11 vers 27 +28 ta para scirbi lo siguiente: Tur cos a wordo entrega na Mi door di Mi Tata , y ningun hende no conoce e Yiu, sino e Tata so, ni ningun hende conoce e Tata sino e yiu so, y esun na kende e Yiu kier revel’E. Bin serca Mi tur cu ta cansa y carga, y lo mi duna boso sosiego. Tuma mi yugo riba boso, y siña di Mi, pasobra Mi ta manso y humilde di curazon, y boso lo haña sosiego pa boso alma. Pasobra mi yugo ta suave y mi carga ta lihe.

Tur esaki a wordo scirbi pa nos ta bon na altura serca ken nos mester ta, pa nos no tin di cana pariba y pabao manera hende cu no tin Dios, y asina duna e enemigo chens di abusa di nos. Esaki no ta un yoke pero e ta puro realidad, cuanto hoben ,cuanto famia, cuanto matrimonio, no ta pasa den scual pasobra nan no a tende of nan no kier tende, of ta haci bofon di locual cu nan a tende, y keda den scuridad , mientras cu Hesus Cristo ta e unico opcion pa nan bida. Pasobra den ningun otro tin Salbacion,Sanacion, Liberacion, Gracia y Favor si no ta den e nomber poderoso di nos Señor Hesus Cristo.

Ora bo tende cuanto hende ta sufri di depression, bo ta haci bo mes e pregunta, cu ta lubida, nan a lubida, of nan no ta kere, of nunca nan no a lesa locual ta para scirbi den Mateo 11 vers 27+28. Ora Hesus ta bisa : Bini serca Mi tur cu ta cansa y carga, Hesus kier men trece bo carga, bo problema, e golpi di bida, e matrimonio kibra e yiu rebelde, e tata cu ta den droga, e mama cu a bandona cas, e falta di trabao, e falta di cuminda den cas, trece tur pa Hesus y lo bo haña Descanso, pasobra E tin solucion pa tur cos.

Awendia hende ta busca refugio den technologia, ( telefon) alcohol, parranda, pero ora bo caba di papia na telefon of manda msg henter dia bo problema a keda mesun cos, ora bo lanta ariba for di bo buracheria bo problema ta mesun cos of mas grandi. Dios nunca ta bisa algo cu e no por haci, pasobra e ta Dios riba tur cos, y e ta demostra esey tur dia poniendo rosea den nos bida, pa nos recorda cu e ta Dios. Te ki dia hende lo sigi permiti diabel abusa di nan, mientras cu Cristo Hesus ta e solucion pa nos bida, cual Dios a demostra na nos for di den Juan Capitulo 3 vers 16. Si awe bo scucha Su bos no haci bo curazon duro , pasobra Cristo Hesus ta e unico alternativa pa salbacion.( Hebreonan Capitulo 3 vers 7-15)

Sinceramente
Pastor Marcel Balootje.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.