fbpx
January 18, 2022

Marisol Lopez-Tromp no a horta iPad

Share on facebook
Share on Facebook
Share on whatsapp
Share on Whatsapp
0
0
Marisol Lopez-Tromp no a horta iPad
Marisol Lopez-Tromp no a horta iPad


Lider di partido MAS, drs. Marisol Lopez-Tromp tabata den enfoke, unda el a reacciona riba e acusacion haci contra su persona. Aki ta trata di un comunicado di partido MEP, unda ta acusa e parlamentario di a horta un iPad di gobierno. Lopez-Tromp ta nenga rotundamente di a horta e aparato aki.

E parlamentario a splica cu e no tin nada di gobierno den su posesion, mucho menos un aparato asina. E ta un persona cu no ta traha henter dia sea riba un iPad of laptop, pero riba su celular. Esencia ta cu partido MEP a trece dilanti cu e tin un iPad tabata di Otmar prome cu e parlamentario a bira minister. Lopez-Tromp a indica cu e no tin esaki, pasobra a entrega e aparato na Cocolishi.

Pero di un forma of otro nan ta bisa di no tin e. E discusion a bini un aña despues cu nan a baha su persona como minister. Nan a kita su acceso pa drenta Cocolishi mesora cu a bah’e. Esey a pone cu su persona no por a regresa oficina pa ruim op, saca su mata como cos personal, bay haci un inventario cu ta importante. Esey no por a tuma luga.

Aparte di esey, “e manera di cacho” trata cu tur swipe no por drenta mas comosifuera ta un persona criminal, anto un aña despues ta mand’e un documento di cos cu falta. Incluso e no tin ni a uza nan. pa un motibo of otro, e pensamento aki a bini na momento cu tabatin discusion den parlamento. Aki ta unda Wever-Croes a haya bon pa grita den sala cu Lopez-Tromp tin un aparato den su poder. E esencia ta cu, segun Lopez-Tromp, nan por bay rista cuanto cu nan kier na su cas. Nan mester entrega keho si nan ta kere si e parlamentario tin algo cu ta di nan. Pero loke nan tin di haci entrega di dje ta tur acto fraudulento y corupto cu nan a topa den nan mesun gobierno ora nan tabata sinta hunto cu ex-minister Oduber.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.