Un accident a tuma luga na Sabana Liber, cu na prome instante no tabata mustra mucho cos. Daño tabata minimo y no tabatin ningun hende cu a resulta herida.
Locual cu no tabata sigur, ta si e persona na stuur tabata tin tur su papelnan na ordo. Accident a tuma luga aproximadamente 6:00 pm riba caminda grandi di Sabana Liber na Noord.
Esaki a pasa entre un Volkswagen TDI number A-76399 y un Toyota Corolla color shinishi. E susto a cuminsa ora cu a pidi pa mira su papelnan, y pa motibo di nervio no por a haya esakinan den e auto.
Tin di menciona cu tabata trata un persona di habla spaño y a spanta cu no por a demostra mesora su status legal riba nos isla. Mientrastanto un otro patruya a presenta y cu calma y pasenshi a dun’e un man pa busca den su vehiculo pa tur papel necesario.
Un suspiro di alivio ta locual el a hala na momento cu e polis a localisa su documentonan y constata cu tur cos ta na ordo.
