fbpx
May 28, 2022

Boluntario rabia cu Heintje: Bo tabata uza celular y tabata haya solo

Share on facebook
Share on Facebook
Share on whatsapp
Share on Whatsapp
0
0
Boluntario rabia cu Heintje: Bo tabata uza celular y tabata haya solo
Boluntario rabia cu Heintje: Bo tabata uza celular y tabata haya solo


E hazaña di Heintje Ras a haya un smaak amargo ora cu un boluntario cu a compañ’e pa shen dia parti ariba di e Mina di Fosfaat a vocifera su preocupacion na prensa. El a vocifera e trato di Heintje Ras y su actitud. Diva de Cuba hunto cu un amiga a keda shen dia ta compaña Heintje na e Mina di Fosfaat.

Pa su sorpresa, a nota cu Heintje a gradici un otro boluntario riba Facebook y no a gradici su persona y tampoco su amiga. Heintje a skirbi: “Thank you so much Darlaine for all your support, otro nan a core bay laga mi… abo a yega y keda te final.” De Cuba a comenta mesora bisando Heintje cu e ta come lubida.

Segun de Cuba, mayoria miembro di e team di Heintje a bandon’e debi e forma con Heintje tabata insulta nan, hasta cu palabra malo. De Cuba tabata yuda Heintje den tur cos, tabata hiba su yiunan cas y scol. Ora Heintje tabata yora den Mina, de Cuba tabata percura pa Heintje haya van pa aire y ijs friu.

Tin diferente punto cu a menciona durante e conferencia di prensa, a indica cu; Heintje tabatin comunicacion cu e mundo eyfo y hasta tabata haya solo. Parce ta via algun buraco den e fosfaat Heintje tabata cana bay pa haya solo. A bay asina leu di a hasta insulta e ministernan di Gabinete Wever-Croes. De Cuba na final a expresa cu e ta cla pa enfrenta Ras na cualkier momento.

Otro banda di medaya

Como media responsabel a acerca Heintje Ras pa puntr’e riba tur e acusacionnan contra su persona. Heintje mes a duna di conoce cu e no lo bay duna un reaccion publicamente mirando como heroe di Aruba, e no lo baha na e nivel ey. Ras ta lamenta profundo e acusacionnan contra su persona.

Ta sinti cu De Cuba of Vivian sea tabata kier publicidad of ricibi un certificado for di su persona. Adicional riba e ponencia di celular, Ras ta acepta cu tabata uza su celular pero no tabatin internet den e Mina. Na final Heinjte a duna di conoce cu e ta sigui padilanti cu su plannan y cu den cinco luna e lo ta na Merca p’asina registra su hazaña na Guinness Book of Records. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.