fbpx
May 22, 2022

Cantidad di contagio ta hopi: Pa proximo 3 dia Mon Plaisir School ta cera

Share on facebook
Share on Facebook
Share on whatsapp
Share on Whatsapp
0
0
Cantidad di contagion ta hopi: Pa proximo 3 dia Mon Plaisir School ta cera
Cantidad di contagion ta hopi: Pa proximo 3 dia Mon Plaisir School ta cera


Directiva di Mon Plaisir School a manda un carta p’e mayornan informando cu tin hopi persona contagia pa Covid-19. Tin mas di 100 caso di cual rond di 70 den december y januari. Desde cu scol a habri dia 10 di januari, cada dia tin cuater pa cinco caso nobo.

Ainda ta manda yiu malo scol, consecuentemente e contagion ta sigui. Tambe tabatin of tin docente cu Covid-19 na cas; tanto den isolacion como cuarentena. Tin cu haci e baño- como klasnan limpi completamente, pasobra e muchanan a susha esaki sea cu sacamento of diarea.

Papiando cu Jeugdgezondheidszorg (JZG) y directiva di scol, a tuma decision pa cera scol pa tres dia. Esaki pa desinfecta e edificio, pero tambe p’e ola cu ta cerca nan, pa laga esaki pasa. Awe so tabatin cuater docente cu no por a presenta y e klasnan cu mas di dies mucha malo na cas. E docentenan cu ta AG lo ta hacienda diferente trabou tanto na cas como scol. Tur mucha di kleuterklas 1 te cu 6 no tin scol e dianan aki.

Directiva ta pidi pa mira e borchi y website pa cualkier eventual desaroyo. Juffrouw Debby, den nomber di henter team, ta desea tur mucha malo, mayor y colega un pronto recuperacion. Diaranson, 26 di januari, ta warda tur mucha sano y bon bek na scol. Tambe ta pidi e mayornan pa mantene e muchanan malo na cas.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.