fbpx
May 16, 2022

Asamblea Sinodal diasabra awo: Parokia Birgen di Fatima a haya logo Sinodo 2021-2023

Share on facebook
Share on Facebook
Share on whatsapp
Share on Whatsapp
0
0
Asamblea Sinodal diasabra awo: Parokia Birgen di Fatima a haya logo Sinodo 2021-2023
Asamblea Sinodal diasabra awo: Parokia Birgen di Fatima a haya logo Sinodo 2021-2023


Den fin di siman, esta 22 di januari, despues di e Santo Sacrificio di Parokia Birgen di Fatima, pastoor Jozef Pelc a bendiciona y ilumina e logo di Sinodo 2021 – 2023 den presencia di e parokianonan. Despues di e bendicion y iluminacion, den nomber di e comision di Asamblea Sinodal, Marjolein Tromp a haci entrega di un boton cu logo di Sinodo na Pastoor Jozef Pelc, den nomber di e Ekipo Sinodal di Parokia Birgen di Fatima.

Prome cu pastoor a bendiciona e logo di Sinodo, pafo di misa tabatin un coro cu tabata canta wardando riba e momento special aki. Algun parokiano a keda pa presencia e bendicion y iluminacion dje logo di Sinodo 2021-2023. 

Pastoor a lesa fo’i su bijbel unda a pidi bendicion, siguridad, prosperidad y sigui alaba Dios cu alegria. Tur esaki a pidi den nomber di Tata y Yiu Spirito di Santo. Despues di a haci oracion, pastoor Jozef a conta di dies bin abou pa bendiciona e logo y ilumin’e. Tambe el a bendiciona tur esunnan cu tabata presente.

Pastoor Jozef a curasha e parokianonan pa asisti na e Asamblea Sinodal dia 29 di januari proximo. Diasabra awo, dia 29 di januari, ta tuma luga Asamblea Sinodal di Parokia Birgen di Fatima. El a invita tur hende pa yega pa registra 8:30 am y e Asamblea ta cuminsa pa 9:00 am. Pa inscribi por haci esey via 561-2524, 5921858 of 5930891.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.