fbpx
May 16, 2022

Colonia Dominicano a rindi homenahe na Juan Pablo Duarte

Share on facebook
Share on Facebook
Share on whatsapp
Share on Whatsapp
0
0
Colonia Dominicano a rindi homenahe na Juan Pablo Duarte
Colonia Dominicano a rindi homenahe na Juan Pablo Duarte


E colonia Dominicano a rindi homenahe n’e tata Republica Dominicana, Juan Pablo Duarte n’e plasa cu ta hiba su nomber, situa den Van Leeuwenhoekstraat.

Fundacion Dominicana Arubanse Juan Pablo Duarte, a bin hunto cu e consulado Dominicano, pa hiba un ofrenda floral, como nificado di e aprecio y pa mantene e idea di Juan Pablo Duarte, pa por sigui avansa, segun vice-presidente di e Fundacion Dominicana Arubanse Juan Pablo Duarte, Carlos Perez.

E ta sigui conta cu Juan Pablo Duarte tabata un hoben cu na inicio di su educacion a demostra hopi habilidad, inteligencia y capacidad. El a crece cu e orientacion di su mama na prome luga y despues e profesornan particular. Despues el a drenta scol y fo’i chikito a demostra hopi inteligencia y balentia pa haci su actividadnan diario.

Segun Perez, un grupo di e consulado Dominicano a bin, den persona di e vice-consul, debi cu e consul ta den exterior pa su salud.

E comision di e fundacion a bin entrega manera semper n’e busto di Juan Pablo Duarte pa mantene semper su idealnan y su principionan bibo. Pasobra e comunidad Dominicano mester di esey pa avansa den e desaroyo di un patria mas grandi y feliz.

Por ultimo Perez a comenta pa tur e Dominicanonan na Aruba y rond mundo, pa nan ta contento, sinti e aliento, demostra sacrificio y lucha pa un patria mas grandi, prospero y mas feliz. Y vooral lucha p’e unidad di tur e Dominicanonan, no ta importa den ki skina nan por ta.

Pa un cobertura mas amplio lesa e edicion di TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.