“Mi nomber ta Roberto Geerman y di bo?” ta algun palabra cu manera bo scucha, bo sa caba ta ken ta tras di control na radio. Sigur, un hende di tur hende, semper cla pa yuda. Asina su amigo- y conocinan ta describi Roberto Geerman. Diasabra awo lo hib’e na su ultimo luga di sosiego, despues cu el a fayece siman pasa na hospital.
ENTIERO
Diasabra awo, dia 29 di januari lo dera Roberto Geerman. Parti mainta shersh lo pasa Solito ( Welcome Back Snack) y djey ta sigui pa GFM Galactica caminda lo rindi tributo na Roberto Geerman. Despues di esey lo bay pariba y pa 11:00 lo habri e drive-trhu / walk-trhu pa asina por duna condolencia na e famianan.
Ta calcula cu lo caba pa mas of menos 2:00 pm, despues lo continua cu respons. Durante di e oranan aki lo tin varios artista cu lo duna tributo na Roberto Geerman. Riba e diasabra aki, lo celebra e bida di Roberto Geerman. Pa un relato completo lesa TREMPAN
