fbpx
May 16, 2022

Gobierno di Aruba a reuni cu dos minister di Corsou

Share on facebook
Share on Facebook
Share on whatsapp
Share on Whatsapp
0
0
Gobierno di Aruba a reuni cu dos minister di Corsou
Gobierno di Aruba a reuni cu dos minister di Corsou


Diabierna mainta, Prome Minister di Aruba Evelyn Wever-Croes y Minister di Salubridad Dangui Oduber a reuni cu Prome Minister di Corsou Gilmar Pisas hunto y Vice-Premier Minister di Labor y Asuntonan Social di Corsou, Ruthmilda Larmonie.

Den un declaracion duna, señor Pisas a indica cu e intencion ta pa su persona y Vice Premier di Corsou bishita e islanan den Reino pa asina cera conoci cu cada un di nan mas di cerca. Aruba ta e prome isla cu nan a bishita pa motibo cu entre Aruba y Corsou tin diferente combersacion caba andando riba diferente topico. 

Durante e reunion, un di e topiconan cu sigur a haya hopi atencion ta e maneho di Aruba pa cu Covid. Pisas a indica cu nan lo kier evalua den ki direccion nan lo por bay y kico lo ta e consecuencianan pa Corsou pa e stapnan cu nan lo mester tuma. Tambe a papia riba e combersacionnan cu Corsou tabata tin cu Hulanda, cu e Staat Secretaris nobo pa loke ta trata fondo di likides. Varios otro topico en comun a wordo discuti. Pisas a expresa cu e reunionnan tabata hopi positivo y den bon esfera na unda a intercambia ideanan pa asina sigui traha hunto den bienestar di e islanan. 

“Hopi biaha un Prome Minister ta atende cu varios asunto cu ta concerni e pais y na momento cu e no tey, ta tuma hopi tempo pa e Vice Premier por “catch on” riba tur e asuntonan cu ta ser laga atras. Pa evita como pais esaki, mi a tuma e iniciativa di bishita e diferente islanan hunto cu e Vice-Premier pa asina nos cera conoci cu e islanan y nan ministernan. E bishita sigur tabata uno hopi positivo na unda Vice-Premier Larmonie tabata tin e oportunidad di cera conoci cu varios di e ministernan di Aruba”, Premier Pisas di Corsou a duna di conoce. 

Prome Minister di Aruba, Evelyn Wever-Croes a expresa su satisfaccion con e reunion cu e mandatarionan di Corsou a bay cu sigur e topiconan trata lo ta na bienestar di e paisnan den Reino mientras cu lasonan ta wordo estrecha pa uni como paisnan ruman.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.