fbpx
May 16, 2022

No a cumpli cu orario: Polis a dal Sandbar cera

Share on facebook
Share on Facebook
Share on whatsapp
Share on Whatsapp
0
0
No a cumpli cu orario: Polis a dal Sandbar cera
No a cumpli cu orario: Polis a dal Sandbar cera


Segun regla, 12:00 am t’e ora cu tur luga tin cu cera nan porta p’e dia, cu excepcion di Casino cu por cera 1:00 am. Sinembargo tin varios di e clubnan nocturno y/of bar cu no ta cumpli cu regla y ta simplemente sigui cu nan actividad, sin tene cuenta cu ley.

Esey ta loke a pasa cu Sandbar, ora cu pa 12:20 am, polis a yega eynan y a pone nan cera e luga, mirando cu ya 20 minuut a pasa  ainda nan tabata habri cu yen di bochincha y un gran cantidad di hende n’e establecimento disfrutando di anochi.

Polis a pone man duro y a manda tur hende pa nan bay nan cas. Loke tabata remarcabel t’e cantidad di turista cu tabata n’e luga, buscando un taxi pa nan tambe sigui pa nan destino.

Despues cu mayoria di e hendenan a bandona e luga, polis a percura pa tur cos ta na ordo, pa despues nan sigui cu nan patruya.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.