Rich Aruba a bin cu cantica nobo pa duna hende un tiki inspiracion. E cantika ta bay over con tin biaha bida sa bira dal bo bentabo abao. Pero semper lanta back y sugui lucha!!
E aña a aki Rich Aruba ta bay saca 2 video musical tambe. Tur dos ta bay over bida, locual cu e artista Rich Aruba y hopi hende a pasa den ultimo temponanan aki. Rich Aruba antes a para cu artistanan grandi como ‘opening act’. Aventura y Don Omar.
Rich Aruba ta un artista Arubano, pero cu a biba pa un tempo na Hulanda, pa el a sigui cu su carera. Door cu e tempo ey no por a logra mucho cu musica na Aruba, no tabata tin e posibilidadnan manera cu tabata tin den exterior. El a wak un oportunidad habri pa cual el a tuma e decision di bay residencia su mes na Hulanda.
Na tera frieu el a bira un pionero, hunto cu algun amigo mas. Nan a score algun hit na Hulanda, manera ‘Doe je ding’ den colaboracion cu Convex, otro artista di renombre na Hulanda.
Despues el a haya oportunidad di toca na Aruba Dag y na varios discoteca na Hulanda. Tambe e tabata tin presentacion cu Punky Donch, DMG, Talento Lex. Antes nan tabata tin algun hit na Aruba manera ‘Un deseo’, ‘Ding ding dong’. Cu Cesar Olart tambe e tabata tin un hit algun aña atras cu e cantica di Shyne e light.
