fbpx
May 16, 2022

Un biaha mas: RCA campeon di Copa Betico Croes 2022

Share on facebook
Share on Facebook
Share on whatsapp
Share on Whatsapp
0
0
Un biaha mas: RCA campeon di Copa Betico Croes 2022
Un biaha mas: RCA campeon di Copa Betico Croes 2022


E campeonato di futbol Copa Betico Croes 2022 a yega su final, unda cu RCA y La Fama a topa otro. RCA a logra retene nan titulo y a titula pa di tres biaha consecutivo campeon di Copa Betico y di shete biaha. E wega a termina 1-0 pa RCA.

Maurice Escalona, coach di RCA, a splica esaki ta di tres biaha consecutivo cu nan a bay cu e titulo di Copa Betico Croes 2022. E final aki, segun e coach, no tabata e miho wega di nan, pero door dje animo di grupo, nan a bay cu e victoria.

Door di e pandemia tabata un tiki dificil p’e preparacion, pero e grupo cu Escalona tin ta uno grandi y e animo tabata hopi halto. P’e Copa Betico aki e team tabata uni y nan a mustra esey durante e wega final.

Sport Vereniging Racing Club Aruba

A funda SV Racing Club Aruba (RCA) dia 15 di februari 1934. E team a sa di crece den e ultimo 85 añanan te bira un organisacion di riba 300 futbolista. Nan ta parti den division di infantil, hubenil, hoofdklas, damas, 35+, 40+ y 50+. Jeffrey A. Lopez  ta presidente di e organisacion, mientras cu Maurice Escalona ta e coach di e ekipo di 25 futbolista cu ta hunga den e division di Honor. Historia a conta nos cu den pasado, e ekipo di RCA a logra titula campeon na 34 ocasion. E ekipo di RCA ta e prome campeon di pais Aruba na aña 1986 y ta e prome team di Aruba pa bira campeon Antiano na aña 1966. E ultimo biaha cu SV RCA a bay cas cu e trofeo di campeon tabata den e campeonato di aña 2015-2016, e tempo ey contra SV Dakota. SV RCA ta conta cu sosten di su patrocinadonan Big Wheel Lottery y Powerade (Tropical Bottling Company).

Pa un cobertura mas amplio lesa e edicion di TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.