fbpx
October 01, 2022

Studiante di Universidad di Aruba cu un caminata pa nos comunidad

Share on Facebook
Share on Whatsapp
0
0
Studiante di Universidad di Aruba cu un caminata pa nos comunidad
Studiante di Universidad di Aruba cu un caminata pa nos comunidad


Aruba ta pasando den momentonan dificil, dia pa dia e costo di bida ta keda aumenta. Como consecuencia, esaki tambe ta aumenta e famianan cu ta encontra nan mes den dificultad financiero.

Fundacion Pa Nos Comunidad ta e banco di cuminda (food bank) oficial di Aruba funda den aña 2009. E fundacion aki ta yuda famianan cu ta pasando den temponan mas dificil cu macutunan di cuminda. Prome cu e temporada di pandemia, e fundacion aki tabata yuda un averahe di 200 famia. Pero esaki a aumenta drasticamente t’e cu 5000 famia. Despues di e temporada di pandemia, danki Dios e suma aki a baha. Pero mirando con e situacion financiero ta birando, e suma aki ta conociendo un aumento un biaha mas.

Studiante di Universidad di Aruba ta recuada fondo pa Fundacion Pa Nos Comunidad

Studiante di Universidad di Aruba ta recuada fondo pa Fundacion Pa Nos Comunidad. Click link pa lesa mas https://24ora.news/3JFfRhh

Posted by 24ora on Thursday, April 14, 2022

Tarrick Ras, Gaileen Geerman, Darenska Mathilda, Michael Irausquin, como studiantenan di Universidad di Aruba, studiando Hospitalidad y Turismo, ta organisando un evento pa un proyecto final di Meetings and Events Management. Nan ta organisando un caminata titula: “UN CAMINATA PA NOS COMUNIDAD”. E meta di e caminata aki ta pa recauda fondo pa Fundacion Pa Nos Comunidad sigui yuda famianan pasando den momentonan desagradabel.

E caminata aki lo tuma lugar riba diadomingo 24 di april 2022. E caminata lo inicia riba Eagle Boardwalk cuminsando for di 6:30 AM y lo tin un distancia di solamente 5KM. Nos ta pidi pa tur participante bisti na colorido como señal cu e momentonan scur lo yega su fin.
E contribucion pa e caminata aki ta solamente AWG. 15,-. Cu e contribucion aki e participante tin chens di gana diferente premio atractivo incluyendo un pasashi pa Corsou hunto cu EZ Air.

Pa forma parti di e caminata aki, por pasa libremente na e siguiente localidadnan:
Power FM 101.7
Fundacion Pa Nos Comunidad
Maximum Fitness Club Aruba
Of por tuma contacto cu e organisadonan via Whatsapp na 660-5901 of na 699-9910. Tur contribucion lo bay directamente na Fundacion Pa Nos Comunidad. Nan ta spera di por conta cu boso apoyo y sosten.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.