fbpx
October 02, 2022

A ranca boom na aeropuerto sin sa

Share on Facebook
Share on Whatsapp
0
0
A ranca boom na aeropuerto sin sa
A ranca boom na aeropuerto sin sa


Diadomingo anochi polis a presenta den parkeerplaats di Aeropuerto Internacional Reina Beatrix p’un caso di destruccion. Na yegada di polis, a constata cu un auto marca Honda color blanco a pasa sin stop y ranca e boom pa drenta den e parkeerplaats na aeropuerto. E chauffeur a conta cu e no a mira e boom y cu el a bruha di caminda.

E cu su amigo a bay aeropuerto pa busca un amiga cu ta traha eynan. Ora e amiga a sali, el a topa un cantidad di polis para rond di e auto. Tabata sospecha cu e chauffeur tabata un poco cansa, a dun’e un chens y a lag’e sinta na banda mientras e amiga a core e auto y bay cas. A regla pa e chauffeur paga e boom cu el a kibra di aeropuerto.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.