Diabierna, despues di mey anochi, a tuma luga un accidente entre un Volkswagen y un Honda CR-V riba LG Smith Boulevard.
Durante control di documento, polis presente a nota cu un di e chauffeurnan tabata bao di influencia y a pone supla.
A bin resulta cu el a surpasa e limite y a sigui di biaha pa su detencion. Den transportwagen a hiba e chauffeur warda di polis, unda cu el a presenta dilanti fiscal auxiliar p’e duna cuenta.
