fbpx
October 01, 2022

Pareha acusa di labamento di placa a recobra libertad

Share on Facebook
Share on Whatsapp
0
0
Pareha acusa di labamento di placa a recobra libertad
Pareha acusa di labamento di placa a recobra libertad


Awe merdia fiscal a duna ordo na KIA pa laga e pareha sospecha di ta meti den labamento di placa, bek den libertad. Tabata dia 30 di maart ultimo cu Afpakteam a tene un huiszoeking na cas di e taxista Yuraney Toppenberg na Palma Real na Palm Beach. Ta acusa Toppenberg y Jimenez di tin di haber cu sospecho di labamento di placa.

E acusadonan ta e conocido Yuraney Toppenberg y su pareha Radamel Roy Jimenez procedente di Colombia bou di e apodo “El Gato”. Den e proceso a coy dos auto den beslag, un Mercedes Benz y e Taxi di Yuraney. Tambe a bay na e garashi na Mahuma y a tuma un boto den beslag. E boto yama Sin Limite. Husticia a bisa cu separa di auto y boto, cu nan a haya un suma basta grandi di placa efectivo na e cas, holoshinan caro y cantidad di joyas. Tur ta y a keda den beslag pendiente e investigacion andando.

E boto “Sin Limite” cu husticia a tuma den beslag. E boto a sali for di Venezuela, a pasa Corsou y a bin Aruba cu ne algun siman pasa. Awo e ta den beslag pendiente e investigacion.

Toppenberg y su pareha ta bou vergrootglas di husticia for di basta tempo caba. A yega di detene nan na aeropuerto cu un suma considerabel di dollarnan Mericano. E tempo ey a laga nan bay despues. Probablemente e forma di biba, sin tin un trabou cu por brinda e luhonan aki den bida, lo tin wowo di husticia skerpi riba e pareha aki, cu den pasado a yega di haya nan mes envolvi caba den asunto di droga y/of labamento di placa.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.