E aña aki tambe temporada di horcan ta mas activo cu normal

MIAMI – E temporada di horcan pa 2022 (cu ta cuminsa 1 di Juni y caba 30 di November) tambe ta bira uno mas activo cu normal. Aña pasa a pronostica 17 tormenta (3 mas cu un temporada average cu ta 14 tormenta cu nomber) y finalmente tabatin 21 tormenta di cual 4 hopi pisa, pues a usa tur 21 nomber di alfabet. E aña aki ta pronostica 19 tormenta cu nomber, di cual 9 ta horcan y 4 ta categoria 3 of mas halto. Aña pasa a bira e di tres mas halto segun record.

E NOMBERNAN E AÑA AKI

E 21 nombernan e aña aki ta Alex, Bonnie, Colin, Danielle, Earl, Fiona, Gaston, Hermine, Ian, Julia, Karl, Lisa, Martin, Nicole, Owen, Paula, Richard, Shary, Tobias, Virginie y Walter.