fbpx
July 06, 2022

Parlamentario di Corsou a nenga di papia Hulandes durante reunion di IPKO na St. Maarten

Share on facebook
Share on Facebook
Share on whatsapp
Share on Whatsapp
0
-1
Parlamentario di Corsou a nenga di papia Hulandes durante reunion di IPKO na St. Maarten
Parlamentario di Corsou a nenga di papia Hulandes durante reunion di IPKO na St. Maarten


Lider di partido Trabou pa Korsou, Rennox Calmes a nenga di papia Hulandes durante e reunion di Interparlementair Koninkrijksoverleg (IPKO). E ta alabes e unico parlamentario pa e partido Trabou pa Korsou den Parlamento di Corsou. Durante e reunion di IPKO, ta bini hunto e parlamentarionan di tur e paisnan den Reino kende ta reuni riba diferente topico, entre nan COHO.

Segun Calmes, a yega ora pa mescos cu e ta haci esfuerso pa compronde Hulandes y Ingles, ta conta mesun cos p’e Hulandesnan Europeo tambe tin cu cuminsa haci esfuerso pa compronde Papiamento of Papiamento. Adicional, Calmes ta motiva nan pa haci uzo di un tolk. No ta asina cu Calmes no ta compronde Hulandes y Ingles, sino mas bien e Hulandesnan di Eerste y Tweede Kamer tambe tin cu haci un esfuerso pa compronde e idioma cu nos ta papia na Aruba, Boneiro y Corsou.

Rennox Calmes

Di funcion Calmes ta polis, na aña 2017 el a drenta Parlamento di Corsou pa partido PIN, cual su lider e tempo ey tabata ex-minister Suzy Cameila-Römer. Na 2020 Calmes a declara su mes parlamentario independiente y a bandona partido PIN y lanta su mesun partido, Trabou pa Korsou. E partido a logra den eleccion di 19 di maart ultimo, no menos di 4413 voto.

Fuente: Di Tur Un Poko (Corsou)

Share on facebook
Share on Facebook
Share on whatsapp
Share on Whatsapp
0
-1

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.