fbpx
July 05, 2022

Posibel reglamento di cuenta: A tira futbolista mata den stadion na Corsou

Share on facebook
Share on Facebook
Share on whatsapp
Share on Whatsapp
0
0
Posibel reglamento di cuenta: A tira futbolista mata den stadion na Corsou
Posibel reglamento di cuenta: A tira futbolista mata den stadion na Corsou


A tira un futbolista mata. Esaki a sosode cerca di e sede di FFK, tras di e stadion di futbol di SDK, esun di mas grandi di e isla.

E victima ta Sedwin Reigina, di 25 aña, kende tabata hunga futbol den Hubentut Fortuna, cu tin e stadion aki como sede. Tabata premita cu e lo a hunga mas laat durante anochi, pero a keda sinta riba tribuna cerca di un veld mas chikito pa mira un otro partido.

Dos homber bisti na preto cu cara tapa, a ataca Reigina cu arma automatico. A hib’e victima hospital, unda cu el a fayece e mesun anochi. E agencia di prensa ANP a informa cu esunnan presente a pensa na prome instante cu tabata trata di vuurwerk, pero despues a drenta den panico.

Riba red social a aparece un video di e momento cu a comete e asesinato.

Segun medio di comunicacion local, a comete e asesinato den cuadro di un reglamento di cuenta. Polis ta investigando e caso, pero ainda no a publica nada oficialmente.

Violencia riba veld di futbol y den cercania ta mas frecuente na Corsou. E futbolistanan hoben hopi biaha ta haya nan mes envolvi den violencia di droga y den gang rib’e isla, segun coresponsal di NOS Dick Drayer.

Minister Hato di Husticia Shalton Hato a anuncia cu e lo papia cu e asociacion di futbol. E kier haci tur cos posibel pa garantisa siguridad di e publico durante e partidonan di futbol.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.