Posted on 05/9/2022 9:42 am AST | Updated on 05/9/2022 9:45 am AST
LONDON – E crisis cu TUI Airways ta pasando aden pa falta di personal, no ta bay afecta e buelonan pa e.o. Aruba. E aeroliña cu apenas siman pasa a cuminsa bula bek pa Aruba, ta opera un buelo pa siman pa Aruba. Asina e aeroliña a laga sa dialuna. Dialuna a alerta clientenan bulando di 15 aeropuerto Britanico, cu cuminda lo ta limita riba buelonan di corto y medio duracion. Esaki debi na scarsedad di personal, cu ta creando un chaos den nan operacion. Pasaheronan ta wordo recomenda pa trece nan propio cuminda y bebida no alcoholic por lo pronto. Servicio riba buelonan pa Aruba, Costa Rica, Cuba, Republica Dominicano, Jamaica, Mexico, Orlando y St Lucia ta continua.
