fbpx
July 05, 2022

Mercado di petroleo preparando pa interupcion di suministro

Share on facebook
Share on Facebook
Share on whatsapp
Share on Whatsapp
0
0
Mercado di petroleo preparando pa interupcion di suministro
Mercado di petroleo preparando pa interupcion di suministro


E mercadonan di petroleo ta na punto di bolbe enfrenta interupcion di suministro. E esfuersonan continuo di Union Europeo pa prohibit e importacionnan di petroleo Ruso y e esfuersonan di e Senado Mericando pa aproba e proyecto di ley NOPEC lo provoca interupcion di suministro.

Diabierna 6 di mei 2022

Otro siman tras di lomba den cua Union Europeo tabata incapaz di yega na un acuerdo tocante e embargo di petroleo completo di crudo Ruso, obstaculisa p’e desacuerdonan interno tocante e calendario di e retiro. Den caso cu aproba e proyecto, ta posibel cu nos lo bolbe enfrenta un restriccion nobo di e oferta, ya cu OPEP+ a indica cu nan ta aprecia coherencia mucho mas cu movemento no plania. Si Merca sigui cu e proyecto di ley di OPEP, e disposicion di e grupo di petroleo pa satisface e demanda mundial por cay mas ainda.

OPEP+ a aproba otro acuerdo di 432 mil bari pa dia

Den un reunion cu a dura solamente diestres minuut, e paisnan di OPEP+ a acorda pa aumenta nan obhetivo di produccion di juni 2022 pa 432 mil bari pa dia, evitando di papia dje sancionnan riba Rusia y indicando cu e panorama mundial di  oferta y demanda ta mas o menos ekilibra.

Prohibicion di petroleo Ruso ta depende di reaccion di CEE

A pesar di cu Alemania a yega na accepta un embargo Ruso, Union Europeo ta sigui sin por yega na un acuerdo di eliminacion di importacion di crudo Ruso, ya cu e paisnan mas dependiente, manera Hungria y Slovakia, ta sigui pidi excepcion.

Comite di e Senado di Merca a aproba e proyecto di ley NOPEC

Un comite di e Senado Mericano a aproba e proyecto di ley NOPEX cu tabata presenta cu apoyo bipartidista, potencialmente revocando e inmunidad soberano cu ta proteha e paisnan di OPEP y CPN di Oriente Medio di e demandanan, ya cu e prijsnna halto di gasolin y inflacion ta obliga e legisladonan Mericano pa tuma medida mas agresivo.

India ta defende su aumento di compra di Rusia

E gobierno di India ta sigui defende e compra di crudo Ruso, cumprando mas crudo den april 2022 cu den henter aña 2021, bisando cu esakinan ta parti di strategia mas amplio pa diversifica leu di Oriente Medio y mantene e prijsnan di combustibel na liña.

Exportacion di crudo di Venezuela ta cay debi na problema di calidad

Segun e medionan di comunicacion, e exportacionnan di crudo di e compania di petroleo nacional di Venezuela, PDVSA, a cay cu 8% intermensual na april, te cu 650 mil bari pa dia, ya cu e calidad malo di e crudo y e capacidad limita di mehora a limita e aumentonan.

Prijs di coriente den e paisnan Nordico a yega nan maximo historico

E prijsnan di coriente a alcansa nan maximo historico den e paisnan Scandinavo di Europa, subiendo te cu un maximo historico di 92 euro pa MWh, impulsa p’e escasez di ‘storage’ hidroelectrico disponibel den e parti sur di Noruega, ya cu e reservanan total di e pais ta yena na solamente 22%.

E paisan di Union Europeo a cuminsa reestablece inventario di gas

E inventarionan di gas den Union Europeo y Reino Uni a bin ta experiencia un aumento constant den e ultimo simannan, cu un aumento total di e existencianan te cu 380 TWh di prome di mei, ya cu e prijsnan excepcionalmente alto di gas a descurasha e consumo di parti di e generadonan di coriente.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.