fbpx
July 05, 2022

Arthur Dowers: No tin union entre AVP cu MEP

Share on facebook
Share on Facebook
Share on whatsapp
Share on Whatsapp
0
0
Arthur Dowers: No tin union entre AVP cu MEP
Arthur Dowers: No tin union entre AVP cu MEP


Partido AVP semper a para cu nos tin di dicidi den nos mesun cas. Tambe nan a para p’e ta cu si acaso tin cosnan robes, tin instrumento. Entre AVP y MEP no tin union.

mr.drs. Arthur Dowers, parlamentario di AVP, a splica cu tin instrumento den statuut cu ta duna Hulanda derecho. Esaki ta pasa na momento cu Hulanda mira cu cos ta bay fo’i man den e pais y nan por actua. AVP ta kere cu si acaso Hulanda a constata cu e gobierno aki ta asina malo, e gobierno aki no tin oportunidad pa pasa COHO, bini na e normalidad. Tambe haci cos manera mester ta haci y gobierno mes tin derecho di actua, AVP no tin problema cu esey.

Loke si nan tin problema cu ne ta, cu tin di bay y entrega autonomia, entrega dignidad y honor di pueblo, di parlamento, pasobra Evelyn Wever-Croes a firma esaki cu Hulanda. Desde dia un nos ta den posicion aki y no a cambia. Loke a sosode, segun Dowers, esey e ta haya hopi peculiar den e pais aki, Marisol Lopez-Tromp, Miguel Mansur, Evelyn Wever-Croes, nan ta uni.

Marisol Lopez-Tromp ta uni cu Evelyn pa cuater aña y segun Dowers esaki ta di cinco aña. Tambe mesun posicion cu Evelyn, a defende e posicion di entrega e autonomia di e pais aki y a keda para cu Evelyn consistente. Mansur a bin y bisa cu e ta para hunto cu Evelyn y Marisol, pasobra su punto di bista ta “cu nos mester tin COHO.” E parlamentario ta haya straño cu Marisol y Mansur, cu ta uni cu MEP den entrega autonomia y bini cu COHO, ta bisa cu AVP a uni cu MEP. Dowers ta puntra na ki momento AVP a uni cu MEP. No tin union entre AVP cu MEP, pero tampoco tin union ni den MEP n’e momentonan aki.

Pa mas lesa TREMPAN.COM.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.