E parlamentarionan di AVP mr. Gerlien Croes y mr.drs. Arthur Dowers tabata den enfoke pa asina reacciona riba e situacion di RAft, pero tambe . Lider di fraccion di MAS, drs. Marisol Lopez-Tromp a lubida cu e mes tabata forma parti di e partidonan MEP y POR.
mr. Gerlien Croes a bisa esun cu kere cu RAft ta pone cu gobierno ta bay kita hende of baha gasto personal ta completamente fout. Esey ta locual ta e cosnan cu mester clarifica y comunidad mester cuminsa haya e detayenan di e leynan aki prome cu saca conclusion of prome cu mester ta mal informa door di politico por ehempel. E pregunta cardinal ta, y esey ta algo cu e parlamentario ta puntra su mes, si Aruba, ya cu tur ora e ta scucha cu Aruba no a haci nada bon, cu ta 35 aña cos a bay fout. Esunnan cu ta trece e storia ey dilanti y tabata parti dje 35 aña ey.
Ocho aña como minister, su persona no sa cuanto aña den parlamento y awor a aproba cuanto biaha presupuesto di Serlimar. Aworaki ta bisa di ta pro COHO pasobra cos no a bay bon tur e añanan ey. Croes kier sa unda e tabata tur e añanan ey e ora. “No ta pasobra abo no por a haci e trabou, bo ta bay kita ami pa haci e trabou den futuro.”
E tempo ey cu Otmar Oduber tabata como minister, a bisa dun’e mas placa. mr.drs. Arthur Dowers a bisa incluso Marisol Lopez-Tromp. Segun Dowers, e ta oke cu Marisol. Pero e ta haya cu Marisol mester realisa cu e ta un politico bieu, ta hungando un politica bieu, tin un bachi nobo bisti pero no ta haci bo politico nobo. E parlamentario a sigui bisa cu hopi politico nobo ta soña di politica nobo, pero loke nan ta haciendo mesun cos.
Pa mas lesa TREMPAN.COM.
