fbpx
June 30, 2022

Corte di Casacion a confirma sentencia di persona cu a abusa di 2 menor

Share on facebook
Share on Facebook
Share on whatsapp
Share on Whatsapp
0
0
Corte di Casacion a confirma sentencia di persona cu a abusa di 2 menor
Corte di Casacion a confirma sentencia di persona cu a abusa di 2 menor
Corte di Casacion a confirma sentencia di persona cu a abusa di 2 menor
Posted on 05/10/2022 10:42 am AST | Updated on 05/10/2022 10:45 am AST

ORANJESTAD /DEN HAAG – Corte di casacion a confirma e sentencia di e homber J. Trimon (54), di 5 aña di castigo prison (kitando e tempo cu e ta sinta caba den pre aresto) pa a abusa sexualmente di dos menor di edad. E caso mes a keda trata for di 2020, y apela na April di 2021. E sentencia aki a keda confirma na februari di e aña aki pa Corte di Casacion, pero ta e siman aki Corte a publica e sentencia. 

E CASO 

Tabata na juli di 2020 cu corte den prome instancia a sentencia e persona aki caba. Corte a haya proba, cu e sospechoso durante dos aña a viola dos damita menor di edad, famia di su pareha, sexualmente. Asina huez a dicta den su veredicto. Bou di e pretexto di yuda nan cu tarea di scol, e la aparta nan den un camber separa, y a mishi cu nan di un forma no apropia, unda cu por papia di penetracion sexual. Huez a haya e declaracion di e damitanan creibel y confiabel. Ta considera hopi malo cu e sospechoso a abusa di su posicion y posiblemente causa posibel daño serio na nan desaroyo.  Den cuadro di esaki el a impone un castigo incondicional di 5 aña di prizon y mester paga e mamanan daño y perhuicio di 5 mil florin.  E caso a keda trata algun tempo   pa un huez di Corsou, ya cu e sospechoso ta relaciona cu famia di un huez na Aruba. Despues a apela e sentencia pa cual a dicta sentencia na April di 2021. Por lesa e sentencia di Corte di Casacion AKI

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.