fbpx
October 01, 2022

ERA celebrando 40 aña hunto cu Stellaris Casino cu grandioso fiesta di ballroom

Share on Facebook
Share on Whatsapp
0
0
ERA celebrando 40 aña hunto cu Stellaris Casino cu grandioso fiesta di ballroom
ERA celebrando 40 aña hunto cu Stellaris Casino cu grandioso fiesta di ballroom


Agrupacion musical di ERA Autentiko lo bay tene un gran celebracion pa nan 40 aña di existencia e aña aki.Director di mercadeo di Stellaris Casino, Yazira Feliciana, a anuncia cu ta Stellaris Casino ta bay presenta e fiesta aki na Aruba y lo tene un fiesta formal di ballroom nunca bisto na Aruba dia 9 di juli proximo. Un dje conceptonan den esaki ta cu tur hende presente den e fiesta lo ricibi trato di VIP pa e anochi aki. 

“Stellaris Casino ta uni su mes cu e celebracion di 40 aña di ERA y hunto cu Musical Time y OREO p’asina nso por duna e pueblo di Aruba un fiesta cu tanto nan a spera riba dje”, ta pa es motibo a yama e fiesta “No H-ERA, ta loke cu bo a spera” ya cu den e anochi aki lo sinti e celebracion. 

Carchi pa esaki lo ta obtenibel na e cashier di Stellaris Casino, cua ta habri 24 ora pa dia y ya desde 10 di mei e carchinan ta disponibel pa benta. Prijs pa carchi lo ta solamente 100 florin. P’e prome shen personanan cu cumpra un carchi, lo ricibi $25 na Free Play den Stellaris Casino y despues tur hende cu cumpra un carchi lo haya tambe $15 pa Free Play. A pidi pa cumpra carchi trempan ya cu espacio ta limita y ‘dresscode’ lo ta cora ya cu ta celebrando e aña Ruby.

Pa tur miembro di Stellaris Casino lo bay tene un fiesta priva gratis dia 8 di juli cu premium open bar “Tier Dance Party” y dia 9 di juli lo habri e portanan di Marriott Ballroom pa un y tur atende e celebracion di ERA cumpliendo 40 aña di existencia na “un prijs hopi atractivo di 100 florin” y tambe lo introduci un Happy Hour di 8:30 pm pa 10:30 pm caminda lo tin un open bar.

Na su turno, Boy Thode, cantante di ERA, a bisa cu e celebracion aki ta algo “sumamente bunita” ya cu despues di mas cu tres aña nan ta bek na Aruba cu un celebracion special cu “danki na Dios nos por a logra keda 40 aña hunto y 9 di april ey nos a yega e fecha cu nos a celebra nos 40 aña di existencia di ERA”. P’e anochi aki e publico por spera tur e hitnan di ERA y lo percura pa haya sa cua t’e piesanan mas gusta pa inclui esakinan den e repertorio, segun Thode a splica. 

Asina el a recorda un y tur cu e carchi ta costa solamente 100 florin y cu cada persona cu cumpra un carchi lo ta un VIP y asina e prome shen personanan lo ricibi $25 tambe di Free Play den Stellaris Casino y tambe a recorda riba e open bar cu lo tin riba e anochi aki. Pues, pa shen florin bo ta haya placa pa hunga den casino, lo “bo bebe gratis” y tambe lo tin sopi, “e cos ki ta un ganganaso”, Thode a termina.Tambe Leo Rodriguez, representante di Musical Time a bisa cu e ta sinti su mes hopi orguyoso cu e celebracion fenomenal aki. Pa nan ta un honor pa toca cu ERA y “OREO ta dimes, Claudius tabata parti di Musical Time kiermen e ta hopi great.” Rodriguez a invita henter pueblo di Aruba bisando “e cos aki no ta sosode tur ora kiermen pasa busca bo carchi bo lo wordo trata manera un VIP.”

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.