Reforma fiscal lo drenta na vigor entrante prome di januari 2023. Esaki ta como parti di e Landspakket di restructuracion di Aruba su sistema fiscal.
REFORMA NA COSTA DI PODER DI COMPRA
Herrick Henriquez, director di ATIA, den un conferencia di prensa hunto cu e otro gremionan, a cuminsa na bisa cu nan tabata tin un ‘break- in-sesion’ cu Departamento di Impuesto. Den e sesion aki nan a presenta algun scenario nobo, unda cu a tuma na cuenta e comentarionan di e gremionan.
E reforma fiscal mester ta un herment pa yuda restructura y yuda Aruba, pero tambe pa yuda modernisa nos leynan fiscal. Pero e reforma no mester bay na costo di nos poder di compra.
Tambe Henriquez a bisa cu mester tene hopi cuidao, ya cu bou di e BTW systeem, hopi negoshi chikito lo sufri di e consecuencianan di e implementacion di BTW.
SOPI PURA TA SALI SALO
Francis Saladin, Vice-presidente di Comerciante Uni Aruba (CUA) a indica cu nan ta hopi preocupa cu e fecha, prome di januari 2023. Gremio ta contento cu e reforma fiscal, pero nan ta sinti cu ‘sopi pura ta sali salo’. Ya caba ta casi na mita di aña y mirando cu esaki tin su consecuencia cu ta rekeri adaptacion pa e comerciantenan y pa e gobierno mes, y tur esun involucra di un manera of otro.
Nan ta haya cu e fecha mester wordo reconsidera. Minimo, seis pa nuebe luan despeus cu parlamento aproba esaki e ora por considera esaki como fecha di implemetacion. No por ripiti e problemanan cu BBO a trece cu ne cu te awe ainda tin problema con pa declara esaki.
INFLACION
Monica Kock, presidente di Camara di Comercio a elabora riba e keho-y preocupacion cu nan tin, tocante e calculacion di gobierno cu BTW lo trece 2 pa 5%. Pero segun calculacion di e gremionan, esaki lo ta di 10%.
Efecto di BTW lo ta hopi mas grandi di loke gobierno ta calcula. Na 2007, e inflacion tabata di 10.2%. E prome escenario tabata di 18%.
Pero inflacion ta hopi mas halto y e consecuencia ta hopi grandi. Esey ta trece cu e inflacion su amount ta mas abou.
Pero ora cu e producto yega for di exterior, ta bolbe bin 8% mas acerca. A;go cu ta hopi importante, ta cu e prijsnan lo subi drasticamente. Esaki ta door di e inflacion (mundial) pero door di e consecuencia di e BTW. P’esey e grmeionan ta haya cu e porcentahe mester baha, ya cu nan no por carg’e.
RECORTE DI PARTI GOBIERNO
Tisa LaSorte, CEO di AHATA, a cuminsa na menciona un preocupacion grandi ta cu nan tin. Esaki tin di haber cu ainda nan no a ricibi for di gobierno unda cu nan ta avisa con y cuanto nan ta bay corta den nan gastonan.
Ora di haci un reforma fiscal, unda cu Departamento di Impuesto ta haciendo calculacion pa yega un cierto nviel di entrada pa gobierno. Esey ta determina pa gobierno, cuanto nan kier genera cu e reforma fiscal.
Pa un relato mas extenso, lesa bo corant digital TREMPAN.
