PALM BEACH – un pasahero a logra aterisa un avion chikito sin problema, despues cu e piloto di e avion a bira malo abordo. E pasahero a avisa e toren di control na Merca di e situacion, pa despues e haya ayudo pa baha e avion e mes. E incidente a sosode na Palm Beach International Airport. “Mi tin un problema serio aki” e pasahero a bisa na e toren di control 113 kilometer di e destino. “Kico ta bo posicion” e controlador aereo a bisa e ora. Un expert di avion a bisa cu e logro aki ta uno hopi grandi. Segun su version, ta prome biaha cu un persona cu ningun clase di experiencia di bula, ta logra aterisa un avion asina. E pasahero tabata hopi trankil y a scucha e instruccionan bon y a sigui esaki trankil. “esey a haci e diferencia”. No ta conoci si, kico a pasa cu e piloto cu e no por a bula e avion mas.
