fbpx
May 22, 2022

Dangui Oduber: Denuncia di campañado y noticia di 24ora.com ta “irelevante”

Share on facebook
Share on Facebook
Share on whatsapp
Share on Whatsapp
0
0
Dangui Oduber: Denuncia di campañado y noticia di 24ora.com ta “irelevante”
Dangui Oduber: Denuncia di campañado y noticia di 24ora.com ta “irelevante”


Ayera 24ora.com a bolbe habri su portanan pa un denuncia publico di un ciudadano preocupa. Tabata trata aki di Braynsly Emerenciana, un ciudadano di Santa Cruz cu ta rabia despues cu den un carta di BID nan a inform’e cu e no por haya e tereno cu el a pidi pa motibo cu e tereno cu el a pidi ta riba ‘groen gebied’.

Emerenciana semper tabata un simpatisante di partido MEP, el a vota pa nan y a hasta campaña pa minister Dangui Oduber, pero segun el a bisa, tea ki e ta yega cu e partido. El a splica alabes cu ta for di 2016 el a pidi tereno den un carta dirigi na ex-minister Benny Sevinger.

Manera nos a publica y expresa den pasado, nos ta enfatisa cu nos portanan semper ta habri pa un y tur cu kier expresa un malcontento, un denuncia of un preocupacion. Como e medio di comunicacion mas grandi riba Aruba nos ta sinti cu ta nos deber pa trece tur mensahe y informacion cu por ta di relevancia pa e comunidad Arubiano.

No obstante, ora cu a puntra e minister en cuestion, minister Dangui Oduber, si e tin algun reaccion riba e denuncia di Braynsly Emerenciana, el a contesta cu “pa ta honesto, e noticianan cu ta wordo publica ultimamente pa 24ora a cuminsa bira irelevante, mi no a tuma nota di e declaracion kiermen mi no por duna un reaccion riba e noticia aki.”

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.