Diabierna mainta lo tin sentencia y tratamento di tres caso interesante. Un di nan t’e Chaman acusa di a abusa di su clientenan.
Pero prome tin un sentencia cu pueblo ta pendiente di dje.
Esaki ta di e caso di Daury Gonzalez Brito. Un caso di violencia contra su ex-pareha kende el a hinca no menos cu 25 biaha. Fiscal a pidi 10 aña di castigo.
Carlos Jorge Illapuma, di nacionalidad Peruano, lo ta den Corte pa abuso sexual cometi contra tres persona. E ta pasa como un Chaman, pero durante e ceremonianan el a probecha di e clientenan.
Despues tin e caso contra Henry Dabian acusa di a abusa di un mucha menor di edad.
