fbpx
May 22, 2022

Accidente na Santa Cruz: Partido di carta cu pia severamente fractura

Share on facebook
Share on Facebook
Share on whatsapp
Share on Whatsapp
+1
0
Accidente na Santa Cruz: Partido di carta cu pia severamente fractura
Accidente na Santa Cruz: Partido di carta cu pia severamente fractura


Un biaha mas tin di reporta un accidente caminda un personal di Post Aruba NV riba brommer ta resulta herida. Esaki ta un rato pasa riba caminda di Santa Cruz caminda un takelwagen y e brommer tabata envolvi.

Den careda di 11:00 am a pidi presencia di polis y ambulance na Santa Cruz den cercania di Napa Auto Parts riba caminda di santo, pa bin atende e victima cu visibelmente tabata herida. For di distancia por a scucha e gritonan di dolor.

Accidente na Santa Cruz: Takelwagen a dal partido di carta

Posted by 24ora on Friday, May 13, 2022

Mesora ambulance a presenta y cuminsa trata e pia cu tabata mustra claramente fractura. Un rato despues a transporte pa hospital. Na e sitio por a compronde cu e caminda di santo ey ta un birada skerpi (estilo S) y cu den e birada nan a topa cu otro. E no tabata frontal pero mas bien el a bay dal den e banda di e takelwagen.

Ta haci un apelacion na e automobilistanan pa core cu mas cautela pa asina evita accidente lamentabel, mas ainda cu personal di un of otro compania cu ta haci uzo di brommer como nan vehiculo di trabou. Cu esaki ta bira e di dos personal di Post Aruba NV envolvi den accidente cu brommer pa e siman aki.

Share on facebook
Share on Facebook
Share on whatsapp
Share on Whatsapp
+1
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.