Aruba ta bolbe registra un morto pa Covid19 y casonan nobo a subi te 504

ORANJESTAD – Despues di basta tempo Aruba ta bolbe registra un morto di Covid19, e siman aki. Mes momento, manera cu noticiacla a raporta apenas un dia prome, e cifranan ta sigui aumenta drasticamente. Si un siman pasa e cantidad nobo di caso pa e siman tabata 343, awe DVG ta raporta no menos cu 504 caso. Y e cantidad total tambe ta sigui aumenta y ta casi yega 300 (281). Tambe, si siman pasa tabatin 4 persona hospitalisa riba piso general, awe tin 2 di caul uno a drenta ICU. Y por ta cu un di e otronan ta entre esnan cu a fayece. Pues, e situacion ta birando poco preocupante atrobe, unda cu te hasta prome minister Evelyn Wever e siman aki a alerta riba e subida aki.