fbpx
May 22, 2022

COVID ta aumenta: DVG cu apelacion pa cuida mas

Share on facebook
Share on Facebook
Share on whatsapp
Share on Whatsapp
0
0
COVID ta aumenta: DVG cu apelacion pa cuida mas
COVID ta aumenta: DVG cu apelacion pa cuida mas


E virus cu ta ocaciona COVID-19 no a disparce, e pandemia tey y rond mundo tin pais ta experencia aumento den casonan positivo y Aruba no ta un exepcion. Departamento di Salud Publico, pa medio di su monitoring ta señala un aumento den caso positivo na Aruba, pa cual motibo ta haci apelacion na comunidad pa bira mas conciente den proteccion di bo mes y esunnan rond di bo pa evita di sigui plama e virus pa otro persona, vooral pa esunnan mas vulnerabel.

Actualmente, Aruba tin un averahe di 72 caso positivo nobo pa dia. Aruba ta den un etapa di recuperacion y ta importante pa comunidad yuda den e proceso pa reduci contagio y evita cu Crisis Team atrobe mester introduci medidanan pa reduci caso cu lo tin consecuencia negativo riba nos recuperacion.

Un di e metanan mas importante, ta pa proteha esunnan mas vulnerabel den nos comunidad, cu ta nos adulto mayor y personanan cu cierto condicionnan medico.

DVG y ta recomenda:
  • Esun cu tin sintoma parecido na griep, pa no bay den publico pero haci un test di COVID. Test di COVID por wordo haci cu self-test of por wordo pidi via dokter di cas of riba www.dvg.aw of www.arubacovid19.org
  • Evita contacto cu cualkier persona cu sintoma di COVID
  • Haci uzo di tapaboca den espacionan cera of unda tin multitud di hende
  • Ciudadanonan riba 60 aña pa pasa busca nan prome of di 2 booster shot mas pronto posibel. Por walk-in na DVG Oranjestad, haci uso di e bus di vacuna of tuma contacto cu number 280.0101 pa mas informacion
  • Cuidadanonan riba 12 cu tin 2 vacuna so, pasa busca nan boostershot
  • Ciudadanonan cu ainda no a vacuna, pa haci esaki mas pronto posibel.

Proteccion ta cuminsa na cada un di nos, pa asina hunto nos limita e virus di sigui transmiti su mes.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.