Posted on 05/13/2022 11:40 am AST | Updated on 05/13/2022 11:41 am AST
ORANJESTAD – E detencion di ex minister Otmar Oduber, relaciona cu e caso penal Flamingo, a keda prolonga cu 8 dia mas diabierna mainta. Vocero di Ministerio Publico Ann Angela a confirma esey awe mainta pa noticiacla. Despues di a keda presenta dilanti Hues Comisario, a prolonga e detencion. E ex minister ta wordo sospecha di estafa y soborno, y ta considera como e sospechoso principal den e caso aki. Durante e proximo 8 dianan, landsrecherche por sigui cu e interogacionan y si nan caba prome cu e 8 dianan, lo por lague den libertad mas prome.
