fbpx
May 22, 2022

Gremio comercial na Parlamento: Eherce boso autonomia for di gobierno

Share on facebook
Share on Facebook
Share on whatsapp
Share on Whatsapp
0
0
Gremio comercial na Parlamento: Eherce boso autonomia for di gobierno
Gremio comercial na Parlamento: Eherce boso autonomia for di gobierno


Den entrevista cu TREMPAN, CEO y President di Aruba Hotel & Tourism Association (AHATA) Tisa LaSorte a amplia riba e puntonan treci dilanti algun dia atras, ora cu como blok comercial hunto cu ATIA, KVK y CUA, a manifesta nan preocupacion pa e manera con gobierno tin intencion di implementa e reforma fiscal na januari proximo. Pa LaSorte e efectonan por ta devastador pa e economia di Aruba y ta solamente Parlamento por haci algo ainda pa evita esey. 

Tabata apenas dos dia pasa cu Departamento di Impuesto a invita e gremionan pa di dos biaha pa comparti informacion. Durante esaki a mustra cifra di resultado, pero no ta splica con a yega na nan y ningun caminda a mira algun di e feedback cu comercio a comparti den e prome encuentro.

Nan tin informacion cu durante e reunion di Conseho di minister di awe mainta, lo por cay un decision caba riba e framework di e reforma fiscal. Sinembargo, esaki no ta e paso final. Den ultimo instancia, e ta den man di Parlamento y prome cu esey, otro luna ta pendiente pa resultado di dos rapport cu gobierno a laga traha.

“E plan mester pasa parlamento pa bira ley,” reflexionando cu recientemente parlamentarionan ta papia hopi di perde autonomia. “Bo ta bringando pa autonomia di Parlamento? Ta spera cu esey ta nifica tambe autonomia for di gobierno,” e ehecutivo a indica bisando cu e institucion mas halto di nos pais tin e responsabilidad di haci su huiswerk y tuma bon nota di e efectonan y minimalisa e consecuencia pa e ciudadano di Aruba. “Mester tene na cuenta cu tin un inflacion mundial caba. Si crea un inflacion mucho grandi cu e decision aki, nos economia na luga di crece, lo bay atras. Esey lo ta historico pa Aruba y cu lo afecta nos tur negativamente.”

Pa e entrevista completo, lesa e edicion di awe di TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.