fbpx
May 22, 2022

Kiwanis Young Professionals Aruba ta presenta ‘A Night of Glamour “Summer Soirée”

Share on facebook
Share on Facebook
Share on whatsapp
Share on Whatsapp
0
0
Kiwanis Young Professionals Aruba ta presenta ‘A Night of Glamour “Summer Soirée”
Kiwanis Young Professionals Aruba ta presenta ‘A Night of Glamour “Summer Soirée”


Despues di e algun tempo, Kiwanis Club of Young Professionals Aruba (KYPA) ta bek cu nan gran fiesta di tur aña.

Esaki ta e evento anual di e “A Night of Glamour” y cu como tema e aña aki di ‘Summer Soirée’. E evento aki ta un di e fiestanan pa recauda fondo mas grandi pa e aña, cu e fondonan aki ta cubri e otro proyectonan cu ta sigui den e resto di aña manera Big Brother, Big Sister, ‘Placa Chikito’ y Christmas-In-A-Box entre otro.

E aña aki, e gran fiesta di recaudacion di fondo lo tuma luga dia 4 di juni proximo riba Plaza Daniel Leo, na Hoya. Manera ta custumber e fiesta lo conta cu tremendo ambiente musical, e aña aki presenta pa Robert y su Solo Banda y tambe Tsunami. Den aire liber bo tambe lo por gosa hunto cu nos di un tremendo anochi cu lo cuminsa pa 7or y ta sigui te mey anochi, compaña pa un tremendo open bar henter anochi presenta pa Hoya hunto cu dushi hors d’oeuvres henter anochi. Pa bo tambe por gosa di e fiesta excepcional aki y alabes contribui na nos comunidad, e contribucion pa entrada ta 175 florin. E carchinan ta obtenibel cerca tur miembro di KYPA, na Hoya y tambe por haci uzo di pay.aw pa cumpra entrada.

Aruba su companianan local tambe por contribui y forma parti di Summer Soiree. Pa companianan tin paketenan special, unda cu tin tres diferente cu nan por scoge for di dje. Esakinan ta Bronze, Silver y Gold Package. Di e forma aki e companianan cu cumpra un pakete por disfruta di un bon ambiente na fiesta y na mes momento contribui na nos comunidad. Pa mas informacion di esaki por tuma contacto cu cualkier miembro di KYPA y forma parti di e Summer Soiree.

Pasa busca bo ticket di KYPA: A Night of Glamour Summer Soirée

Pasa busca bo ticket di KYPA: A Night of Glamour Summer Soirée

Posted by 24ora on Friday, May 13, 2022

Asina wak pa bo no keda afo di e Summer Soiree ‘A Night Of Glamour’ cu ta tuma luga dia 4 di Juni cuminsando pa 7or di anochi na Plaza Daniel Leo, bo contribucion di 175 florin lo bay bek den proyectonan cu KYPA ta presenta pa nos comunidad. Nos ta warda bo bin gosa cu nos. Busca bo carchi cerca miembronan di KYPA, Hoya of via di pay.aw

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.