fbpx
May 22, 2022

Stagiaire di EPI a hisa fli cu cliente na FAVI

Share on facebook
Share on Facebook
Share on whatsapp
Share on Whatsapp
0
0
Stagiaire di EPI a hisa fli cu cliente na FAVI
Stagiaire di EPI a hisa fli cu cliente na FAVI


Diabierna a habri cu un actividad grandioso y peculiar den cua algun studiante di EPI a acudi na e veld di Rooi Afo p’asina hisa fli cu e clientenan di FAVI. Ghislaine Rosa de Cuba, trahado social na FAVI,a splica cu ta despues di basta aña e clientenan di FAVI tabata invita un biaha mas p’e stagiairenan di EPI pa competi cu fli.

Segun el a sigui conta, esaki a encera un proceso di varios siman, pues di cuminsa traha e fli y traha e tom p’asina awe siña hisa y baha fli. Rosa de Cuba a cualifica e mainta como uno exitoso den cua e clientenan di FAVI a siña habilidad nobo y a pasa un rato ameno.

Na su turno, stagiaire di EPI, Catherine Midi, a splica cu e iniciativa tabat bou di encargo di su colega Doris Ras, kende pa e ultimo tres simannan caba a bay traha cu e clientenan pa yuda nan traha e fli, scoge e colornan, pone e liña y mucho mas. Midi a splica cu sigur algo cu mester a tene cuente cu ne durante e actividad ta cu e clientenan no tin bista, algun di nan ta completamente ciego y nan lo tin mester di ayudo adicional. Fuera di esaki, mester a tene cuenta cu e solo y sigur cu e salud general di e clientenan.

Midi a sigui conta cu e flinan mes a dura mas o menos dies pa diescinco minuut den laira y despues a saca e ganadonan pa e actividad aki. “Na prome luga a sali Haime, di dos luga tabata Jenny y di tres luga tabata memey, e tabata Jossy cu Franco”, Midi a conta. El a bisa cu e mes a siña hopi di e actividad aki y tur locual ta encera hisamento y trahamento di fli y locual a resalta p’e ta cu e ausencia di bista no ta limita ningun hende na nada.

Pa un relato mas amplio, lesa edicion di TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.