fbpx
August 13, 2022

Diadomingo awo: Rond tur skina di Aruba por mira e eclipse lunar

Share on facebook
Share on Facebook
Share on whatsapp
Share on Whatsapp
0
0
Diadomingo awo: Rond tur skina di Aruba por mira e Lunar Eclipse
Diadomingo awo: Rond tur skina di Aruba por mira e Lunar Eclipse


Diadomingo awo 15 di mei nos isla lo mira un otro espectaculo na shelo cu ta un eclipse lunar. E espectaculo aki lo ta visibel tur caminda na Aruba den direccion di zuid y ta cuminsa pa 9:32PM (ora di Aruba) y lo yega su punto maximo pa 12:11 AM y lo dura 42 min. Despues e color cora lo cuminsa kita atrobe. Y e luna lo haya su briyo normal bek pa 2:50AM.

Dicon e luna ta bira cora?

Mescos cu e solo di mainta of atardi ta lanta of baha bunita oraño of cora, nos lo por mira esaki tambe pa e luna. E color ta bin door di e stof den aire.

E luz cu ta drenta den nos atmosfera ta wordo gespart door di stof y e color blauw ta keda den nos atmosfera, pa cual motibo nos shelo ta blauw tambe, y e unico luz cu ta pasa sin problema door di nos atmosfera ta e luz cora. Door cu e luna lo ta tapa door di e sombra di mundo, e unico luz cu ta briya riba dje ta e luz cora cu ta pasa door di nos atmosfera. P’esey entre mas stof tin den aire mas cora e luna lo mustra.

Con ta e miho manera pa wak e eclipse aki?

Door cu e ta bay dura largo lo ta ideal pa haci uzo di un beach chair, un stoel comodo pa bo drumi riba dje. Bo por haci bo observacion cu bo wowonan mes, un verrekijker of telescop. Un bon momento pa comparti tempo den compania y pa combersa riba e maraviyanan di nos universo.

Dependiendo di e tempo, Space and Nature Aruba Foundation lo ta transmitiendo e evento aki riba nan Facebook page. Corda di like y follow nos pa mas informacion di loke ta pasa den espacio y naturalesa.

Headsup! A blood moon will be visible from Aruba on Sunday, May 15, 2022.The Moon will pass through the Earth’s…

Posted by Space and Nature Aruba Foundation on Tuesday, May 10, 2022

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.