fbpx
June 30, 2022

Parokia Birgen di Fatima di Dakota cu dobel celebracion

Share on facebook
Share on Facebook
Share on whatsapp
Share on Whatsapp
0
0
Parokia Birgen di Fatima di Dakota cu dobel celebracion
Parokia Birgen di Fatima di Dakota cu dobel celebracion


Diabierna iglesia catolico a conmemora e 105 aña di aparicion di Birgen Maria na e tres cuidadonan di carne na Fatima, Portugal.

Michael Nicolaas, Deacono di Parokia di Birgen di Fatima di Dakota a cuminsa na bisa cu e dia aki ta uno historico. Ta 105 aña cu e birgen a aparece na e tres muchanan, cuidadonan di carne, aya na Portugal.

Tur loke e birgen a pidi ta pa lesa Santo Rosario tur dia, pa por tin paz na mundo y paz den e hogarnan. Por wak un mundo cu falta di paz, falta di paz den e hogarnan.

E fecha aki ta uno importante tambe pa e parokia di Dakota cu ta celebra un aniversario mas di Birgen di Fatima como patrona di e parokia. Kier a celebr’e pa e trece paz na nos pais.

Por mira un cantidad di hende cu a bin celebra e fiesta aki, pero a tuma e tempo tambe pa cana den e procesion, unda cu a hiba e presencia di e paz di Maria pa henter e pueblo di Dakota y ohala por a hib’e pa ful Aruba.

Pa un relato mas amplio, lesa TREMPAN, den bo plant’i man.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.