fbpx
December 06, 2022

Anti-social a cende dos boto na candela na pier di Zeewijk

Share on Facebook
Share on Whatsapp
0
0
Anti-social a cende dos boto na candela na pier di Zeewijk
Anti-social a cende dos boto na candela na pier di Zeewijk


Diadomingo pasa di 3:00 am tanto polis y brandweer a bay cu urgencia direccion e pier di Zeewijk caminda cu tabatin dos boto na candela. For di leu por a wak huma bay halto. Nan a mobilisa mesora y asina cu cuerpo di bombero a yega na sitio nan a bay den accion haciendo nan maximo esfuerso pa paga controla y paga e candela p’asina esaki no alcansa e otro botonan den cercania. 

Por a tuma nota cu e heki tabata un poco habri, pues por sospecha cu un anti-social cu mal intencion a forsa esaki pa asina cende e botonan na candela. Mientras cu cuerpo di bombero tabata haci nan maximo esfuerso, algun persona cu ta atende cu boto a presenta na sitio pa wak si ta nan boto tabata na candela. Dado momento tambe por a tuma nota con e candela tabata yega na e parti di motor di e boto, pues por bisa cu practicamente no lo resta nada pa e boto aki por funciona. 

Despues di algun minuut por a wak con cuerpo di bombero a logra paga e candelanan. E procedura normal ta encera cu lo bay investiga ta ken a comete e delito aki. E tipo di actonan aki sigur ta di lamenta ya cu probablemente ta dos piscado a keda sin nan boto pa sali bay pisca.

Intencionalmente cendi: Dos boto na candela na pier di Zeewijk

Posted by 24ora on Saturday, May 14, 2022

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.