Un control di polis na San Nicolas a conduci na detencion di un chauffeur femenino innecesariamente. Durante control a para un vehiculo na altura di Hong Kong na San Nicolas. Pa un motibo of otro e chauffeur a nenga di presenta su rijbewijs na e agente policial.
Mirando cu, na momento cu un persona nenga di haci esaki, esta nenga di presenta un rijbewijs, ta concidera e persona aki como sospechoso y por resulta den un detencion. Ta hustamente locual a tuma luga durante e control di awe merdia. E polis a detene e chauffeur y pidi transporte policial.
No ta conoci e motibo pakico e dama a tuma e actitud ey pero ta locual a cost’e su libertad. A hib’e warda unda eynan lo sigui e proceso cu subfiscal. Den un caso asina pa un simpel cos ta perde bo libertad.
