fbpx
August 13, 2022

Compara label pa baha man na salo

Share on facebook
Share on Facebook
Share on whatsapp
Share on Whatsapp
0
0
Compara label pa baha man na salo
Compara label pa baha man na salo


E label di un producto ta bisa hopi di e producto. P’esey ta importante ora di bay supermercado pa pone atencion riba e label di e productonan cu bo ta cumpra. Salo ta contene e mineral sodium cu por trece problema pa bo salud si bo come dimas. Sodium ta aparece bou di diferente nomber riba e label. Algun ehempel ta: salt, zout, sodium chloride, NaCl, Monosodium glutamate (MSG), baking soda, baking powder, Disodium phosphate. Recomendacion pa salo pa adulto ta 6 gram (2.4g di sodium) of menos pa dia cu ta un telep di salo.

Ora di haci compras tuma bo tempo pa compara e label di diferente producto. Busca e productonan cu, segun label, tin 5% of menos di e cantidad recomenda pa dia di sodium (5% or less of the Daily Value for sodium). No lubida di check e ‘serving size’ ful ariba di e ’Nutrition Facts’ pa wak kico ta e midi, sea na peso (oz), telep/cuchara (tsp/tbsp) of cup, di e producto pa cual e calculacion di ‘Nutrition Facts’ ta haci. Por ehempel e ‘serving size’ ta 1 cup y abo ta come 2 cup (di midi) di sopi. Pa bo haya sa cuanto sodium bo ta come bo mester multiplica e cantidad di sodium menciona riba e ‘Nutrition Facts’ cu 2.

Ta hopi importante pa midi bo cuminda regularmente pa bo sa e cantidad cu bo ta come y con e ta mustra den bo tayo. Asina bo por compara por ehempel bo tayo segun recomendacion pa un cuminda saludabel y balasa y si mester drecha  esaki.

Bo ta desea mas informacion y tambe check bo presion, sucu, peso y cintura? Pasa cerca nos diasabra dia 21 di mei for di 8:00 di mainta pa 12:00 pm na Club Kibrahacha of diasabra dia 4 di juni for di 8:00 di mainta pa 12:00 di merdia na IBiSA San Nicolas (Sportcentrum). Praktijkondersteuners conhuntamente cu DVG y IBiSA ta cla pa haci un chekeo gratis y no mester ta na yuna pa participa. Nos ta warda bo!

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.