fbpx
August 13, 2022

Preso awo ta dispone di un “Smart Class Room”

Share on facebook
Share on Facebook
Share on whatsapp
Share on Whatsapp
0
0
Detenidonan awo ta dispone di un “Smart Class Room”
Detenidonan awo ta dispone di un “Smart Class Room”


Awe mainta durante un sesion virtual, KIA a lansa su proyecto nobo, “Smart Class Room”. Eyden lo brinda les y ta bay haci cuido den e mundo penitenciario mas accesibel pa tur detenido.

KIA a percura pa uza un parti di e ‘jeugdafdeling’ cu no ta uza frecuentemente, pa por duna e lesnan aki. A ekipa e lokaal cu tecnologia moderno, pa di e forma aki por brinda les particularmente na nos hobennan, lesnan cu tin nan propio interes, pa nan por participa activamente tambe.

E smart class room ta parti di un plan pa duna cuido na detenidonan na KIA pero tambe facilita y aumenta e acceso di e cuido aki na e detenido. E smart class room tin luga pa acomoda cuater cliente pa les. A dicidi di haci e grupo chikito pa asina disminui riesgo di siguridad durante les. Den e smart class room tin un smart board cu ta facilita e-learning/tele-educacion y “blended learning”. Cada detenido lo tin acceso monitoria na internet pa por uza esaki specificamente pa e les cu nan ta atende. Tur studiante lo tin acceso na un laptop pa por studia nan materia. Banda di esaki ta brinda e detenido, cu tawata na scol ainda ora nan a comete nan delito, e oportunidad pa sigui nan scol online.

Como parti di e smart class room, lo cuminsa duna les di computer, idioma, landsexamen y curso for di diferente plataforma online. Tambe lo brinda les di entrepreunership, small business y budget management.

Actualmente, KIA tin un acuerdo cu FEPA pa cuminsa duna diferente les. Banda di esaki tin un “flexplek” nobo cu ta uza como un biblioteca chikito y tambe pa terapia pa e detenido.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.