fbpx
December 06, 2022

Muchila Creativo c’un open house informativo 

Share on Facebook
Share on Whatsapp
0
0
Muchila Creativo c’un open house informativo 
Muchila Creativo c’un open house informativo 


Fundacion Muchila Creativo ta un scol secundario pa e muchanan cu limitacion cu ta educa a base di arte. 

Relaciona cu nan Awareness Week, Fundacion Muchila Creativo, dia 20 di mei lo organisa un Expo y Feria di Arte y Diversidad Den Nos Comunidad na Centro di Bario y Deporte Dakota, for di 5:00pm te 9:00pm. Tur hende ta bonbini pa bin celebra cu nan e diversidad y inclusion di e personanan cu capacidad diferente. Entrada pa e atardi aki ta bay ta completamente gratis. 

E instancianan manera FAVI, FUNARI, FEPOH y Fundacion Autismo tambe lo ta presente y lo duna mas informacion. Ademas, lo tin local vendors, snacks y bebida. Tin diferente presentacion, un tayer di terapia di arte y por participa na diferente actividad di arte. Lo tin oportunidad pa haci donacion y participa na nos rifa pa por gana diferente premio. 

Diasabra 21 di mei Muchila Creativo ta organisa un Open House na su edificio den Caya G.F. Betico Croes 110 (Dilanti Botica Oduber) di 2:00pm pa 6:00pm. E meta di e Open House ta pa comunidad di Aruba cera conoci cu e fundacion y special cu e scol. Muchila Creativo ta un scol secundario pa hoben special entre 16 cu 25 aña, ta un scol cu ta guia studiante cu capacidad diferente a traves di arte.

Muchila Creativo c’un open house informativo

Muchila Creativo c’un open house informativo. https://24ora.news/3PwxMen

Posted by 24ora on Wednesday, May 18, 2022

Dia di e Open House lo tin diferente tayer p.e di musica, teatro, arte visual y mas. Participación ta gratis y lo tin benta di snacks y bebida. Lo tin oportunidad pa inscribi pa e aña escolar nobo, ya cu e cuponan ta limita. 

Pa mas informacion por bishita e Facebook page di Fundacion Muchila Creativo.

Share on Facebook
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.