fbpx
June 30, 2022

Rehabilitacion a fracasa: Koki bek na Aruba sin libertad

Share on facebook
Share on Facebook
Share on whatsapp
Share on Whatsapp
0
0
Rehabilitacion a fracasa: Coki bek na Aruba sin libertad
Rehabilitacion a fracasa: Coki bek na Aruba sin libertad


Ministerio Publico a yega na un deal cu Koki cu tabata terorisa Piedra Plat y Hooiberg. El a haya su libertad basa riba e deal cu e ta bay rehabilita. A prepara algun siman pasa pa asina Koki bay Republica Dominicana. Polis y otro instancianan a prepara tur cos y asina Koki a bandona Aruba.

El a yega y a ricibie cla pa asina e cuminsa un etapa nobo den su bida aleha di droga. Aunke na Aruba e tabata biba riba caya y horta tur dia den propiedad di hende, toch den su prome siman ya caba el a cuminsa keha na Republica Dominicana. E no kier a sigui e programa cu tin na e centro di rehabilitacion. Hasta riba telefon a graba na yegada cu e t’ey y cu ta cla pa e cambio.

Un mensahe pa e pueblo di Aruba. Pero na caminda cosnan a cambia te cu el a yega Aruba. Durante su presencia na Republica Dominicana mayoria hende na Aruba a cambia nan opinion riba Coki. A kere cu mester dun’e un chens. Famia tambe tabata contento cu el a acepta e yudansa y sali for di e gara di droga.

Finalmente el a yega Aruba bek. E deal cu Ministerio Publico ta cu mientras e ta bou tratamento e tin su libertad. Awo cu el a cambia su decision y bolbe Aruba, kiermen cu na yegada na aeropuerto a tira man mesora riba dje. A deten’e y hib’e warda. Djey e lo bay KIA pa sinta e castigo basa riba su caso of sentencia cu tin.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.