Diaranson atardi accidente a bolbe sosode riba e crusada di Profesor Lorentzstraat cu Emmastraat. E biaha aki un turista chauffeur di Kia Niro no a duna preferencia na otro vehiculo riba caminda di Emmastraat.
E chauffeur den e Nissan March so a resulta herida. Den impacto e March a bira 90 grado, a ranca porta banda drechi patras habri manera bleki di tuna. Polis a cera caminda pa trafico. Bisiña den area a remarca cu varios biaha a pidi autoridad concerni pa pone verkeersplateu riba e crusada.
Chauffeur sa core cu velocidad halto riba Profesor Lorentzstraat y e caminda anochi tambe ta scur. Frecuentemente tin accidente riba e crusada aki.
