fbpx
June 30, 2022

Chauffeur deteni den Kamerlingh Onnesstraat: Number n’ ta cuadra

Share on facebook
Share on Facebook
Share on whatsapp
Share on Whatsapp
0
0
Chauffeur deteni den Kamerlingh Onnesstraat: Number n’ ta cuadra
Chauffeur deteni den Kamerlingh Onnesstraat: Number n’ ta cuadra


Patruya di Playa a tuma nota di un KIA truck blanco riba Kamerlingh Onnesstraat direccion Tanki Leendert y mesora a dune señal pa para pa asina por efectua un control.

Esaki a sosode den careda di 1:30 pm na e skina di Kamerlingh Onnestraat y Edisonstraat, net band’i e luga cu ta bende ijscream. A tuma nota cu e number (A-2131) ta di aña 2020, tambe cu e chauffeur ta mustra relativamente hoben. A bin constata cu en berdad e number no ta paga y no ta registra riba dicho vehiculo.

Na sitio a bin compronde tambe cu e chauffeur tin apenas 16 aña cu ta nifica cu e no tin un rijbewijs tampoco. Mirando tur esaki a detene e chauffeur. Un rato despues e transport a yega pa hib’e pa warda di polis.

Un takelwagen tambe a presenta na sitio como cu a confisca e auto. Depues cu tabata prepara pa bandona sitio, algun familiar a yega, cu probablemente lo ta su mayornan, pero e tabata den transporte policial rumbo pa warda caba. A informa nan pa miho nan presenta na warda di Playa pa mas informacion.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.