fbpx
June 30, 2022

COHO lo haci nos pais mas ‘coho’ di locual e ta caba

Share on facebook
Share on Facebook
Share on whatsapp
Share on Whatsapp
0
0
COHO lo haci nos pais mas ‘coho’ di locual e ta caba
COHO lo haci nos pais mas ‘coho’ di locual e ta caba


Lider di partido Partido CURPA, Eric Ras, a adverti durante campaña pa eleccion 2021 cu COHO, den manera cu kier implemente, lo haci nos mas “coho”. Nos problema ta grandi. E herida causa pa mal gobernacion ta profundo y pa colmo experencia di e ultimo añanan a mustra cu no ta existi ni un speransa minimo cu e futuro lo por ta mihor.

Awe mas cu nunca nos tur ta sinti e peso grandi cu tin riba nos cartera. Unda nos bira nos ta tende cu nos situacion ta birando pio. Nos pueblo di Aruba no por perde speransa. Nos confiansa mester ta poni awe mas cu nunca den Dios.

E agenda 2030 propaganda pa e gobierno, ta un agenda pa kita poder for di pueblo y pone esaki central. Un agenda peligroso cu ta completamente contrario na loke tabata expresa durante campaña, esta cu e hende ta central. Otro mentira cu ta cuadra cu e famoso dicho di e ex-lider di MEP, cu a bisa cu campaña ta un cos y goberna ta otro. Un agenda tambe cu ta cuadra cu e ponencia di United Nations cu a bisa pa no worry pasobra “bo lo no tin nada y e hende lo ta feliz”.

Awe nos ta mira cu nos enseñansa tambe ta den un crisis. Despues cu den gobierno anterior a economisa riba nos enseñansa, awe nos por mira e consecuencia fatal cu mal gobernacion tin pa enseñansa. Kico ta pasando den enseñansa? Un comedia grandi hunga pa e partido mayoritario den gobierno cu e maestronan y werksternan na scol pa asina haya nan voto. Awe nan tur ta defrauda paso nan a haya e puñal den nan lomba. Awor ta papia di hasta merge 2 scol. A basha e scol den Indianenweg y te cu awe no a ni renoba e otro scolnan manera Beatrix y Juliana School.

E ta tristo pa constata con ta gaña y manipula e pueblo pa asina por haya voto y despues dal pueblo un scop. Gañamento y manipulacion ta obra di satanas pa asina por logra su meta y ta locual cu nan a logra tambe. Asina nan a logra dividi hasta e pueblo Cristian pa logra haya nan voto. P’esey mes un Cristian cu ta luz no por apoya ni simpatisa cu e partidonan cu ta aproba leynan cu ta contra leynan di Dios. Un Cristian no por somete na partido (nan) cu ta contra e principionan di Dios pasobra abo tambe lo recohe di e cosecha di locual cu nan a sembra contra e leynan di Dios. E partidonan aki ni ta arepenti di nan maldad y ainda kier sigui den nan caminda. E ta simpel, bo tambe ta forma parti di nan maldad paso nan ta contra Dios y no tin hustificacion pa nan actonan.

Esnan cu ta manipula y engaña pueblo pa haya nan voto no tin e pueblo na pecho sino nan mes y locual cu ta destina pa nan ta e forno di candela. Si nan no arepenti nan lo mester wanta e consequencia di locual nan mes a sembra. Si bo kier persisti di sigui den e caminda di maldad anto lo bo recoge locual cu bo a sembra. E partidonan cu a vota na fabor di e leynan di hende cu ta contra e leynan di Dios no tin ningun solucion paso nan ta bou di maldicion. Un guera contra Dios ta un guera perdi.

Pueblo di Aruba keda pendiente paso nos tur sa cu un mayoria grandi di nos pueblo no tin forsa mas pa soporta e pesonan di medida. Pueblo su cartera ta bashi y ta sclama pa un cambio. Sabiduria di hende lo no saca Aruba for di e crisis cu nos ta aden. Sabiduria di hende tin nos awe unda nos ta, esta den un mega debe. Nos confiansa awe mas cu nunca mester ta poni den man di Señor, pasobra e sabiduria di Dios SI lo saca nos for di e sclavitud di debe. Laga nos sigui haci oracion pa nos Aruba dushi tera. Nos di partido CURPA ta kere cu e ora ta yegando pa nos subi caya y bisa gobierno bay cas paso boso a zink nos Aruba dushi tera.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.