fbpx
June 30, 2022

Desgracia riba caminda di Paradera: Dos persona herida y basta daño material

Share on facebook
Share on Facebook
Share on whatsapp
Share on Whatsapp
0
0
Desgracia riba caminda di Paradera: Dos persona herida y basta daño material
Desgracia riba caminda di Paradera: Dos persona herida y basta daño material


Autoridad a dirigi nan mes cu maximo urgencia pa Paradera na momento cu e informa di un accidente basta serio dilanti Great Rich Restaurant. A indica cu un vehiculo lo a pasa ranca of lo a bin dal den un palo di luz.

Esaki a tuma luga aproximadamente 10:30 am y tabata entre dos vehiculo, un Toyota IA blanco (A-4693) y un Hyundai Getz color blauw (A-47388). Na yegada en berdad a bin topa cu un desgracia basta grandi caminda dos persona a resulta herida. Por a mira tambe un auto cu a bay dal directamente riba un palo di luz mientras e otro a baha e caminda na band’i pazuid.

Desgracia riba caminda di Paradera | Dos persona herida y palo di luz ranca

Posted by 24ora on Thursday, May 19, 2022

Mesora polis a cera caminda como tambe pidi presencia di ambulance pa atende cu dos victima cu a resulta herida. A compronde cu un di nan lo a kibra su schouder y lo tabatin basta sanger na su cara. Mientras e otro tambe tabata keha di basta dolor. Den un di e vehiculonan tabatin un mucha menor di edad, di cual tambe a tira un bista riba dje, si e no a ricibi ningun golpi. Afortunadamente no tabata herida.

No ta conoci motibo di e accidente, esaki lo ta den man di e expertonan di trafico pero locual ta sigur cu e daño material, ademas di esunnan cu a resulta herida, ta basta grandi.

A transporta ambos victima pa hospital pa tratamento medico mientras tabata spera personal di ELMAR pa atende cu e palo di luz y e wayanan benta abou.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.